Ngunit sa kabila ng pagiging buhay na museo ng sining at kultura ng Session Road, hindi lahat ng tao ay pabor dito. Maraming artist ang nakakaranas ng:

• Lack of recognition - Isa sa mga bagay na nararanasan ng maraming lokal na artist sa ating bansa ay ang pagiging underappreciated o lack of recognition. Dahil sa panahon ngayon, mas binibigyang pansin ng masa ang mga internasyonal na artist at artworks na nagiging dahilan upang hindi magkaroon ng sapat na pagkilala at pagtangkilik sa sariling atin.

• Censorship - Ayon sa report ni De Vera (2023) mula sa rappler, “Journalists and local artists are up in arms against Baguio City’s new policy prohibiting chalk art with political undertones at Session Road on Sundays, saying this infringes on freedom of expression.”. Pinagbabawalan ang mga sining na may pasaring sa politika. Ito ay malinaw na nagpapakita ng konsepto ng censorship.

• Regulasyon at Permit Issue - May mga limitasyon at polisiya na dapat sundin ang mga lokal na artist katulad ng pagrehistro sa kung sino ang pwedeng magtanghal sa pampublikong lugar (Fulgencio, 2024).

Nangyayari ang mga isyung ito dahil nais ng mga awtoridad na magkaroon ng kaayusan at polisiya sa pagpapamalas ng sining sa kalsada. Gayunpaman, marami ang dismayado sapagkat sa tingin nila, ilan sa mga regulasyong ipinatupad ay hindi patas at hindi makatarungan. Sa iyong palagay, dapat bang makaranas ng censorship ang mga artist at malimitahan ang kanilang mga ideya at execution sa paggawa? Patas lamang ba ang mga regulasyong ipinapataw ng mga awtoridad at sapat na ba ang suportang ibinibigay natin sa kanila?

Marapat na pag-isipan at pag-usapan ang mga ito dahil kapag narinig mo ang Session Road, malamang ang unang papasok sa isip mo ay traffic, food trip, at shopping. Pero kung lalampas ka sa usual na impresyon, makikita mong may mga isyung kinakaharap din ang mga artist at entertainers na nandirito.

Kaya’t sa susunod na mapadaan ka sa Baguio, huwag lang dumiretso sa pupuntahan mo. Tumingin sa paligid, pakinggan ang musika, at namnamin ang sining sa kalsada. Dahil minsan, ang pinakamagandang obra ay hindi nakasabit sa dingding o makikita sa museo kundi, madadaanan mo mismo, naghihintay lamang na mabigyang pansin at pahalagahan ng mga tao.