“Sleep deprivation causes irritability and fatigue and interferes with memory and focus resulting in impaired reaction time, judgement and vision. The more the sleep debt, the greater the adverse health effects such as weight gain, heart disease, diabetes, and even stroke” (Cheriyedath, 2020).

‘Yan ay ilan lamang sa mga pisikal na karamdamang maaring indahin ng isang call center agent na maari pang maging sanhi ng mas malalang sakit sa katagalan. Depression, anxiety, FOMO, stress, at marami pang iba ang mga isyu na maari nilang matamo sa pagpasok sa trabahong ito araw-araw. 

May mga kinakaharap ding stigma ang mga call center agent. Gaya na lamang ng panghuhusga na karamihan sa kanila ay hindi nakapagtapos ng pag-aaral o kaya naman ay naipit sa konsepto ng job mismatch. Marami ang nag-aakalang ang kaalaman sa pagsasalita ng english lamang ang kailangan upang makapasok dito dahilan upang maging mababa ang tingin ng lipunan sa mga taong nagtatrabaho sa call center companies. 

English speaking? Check. May katotohanan na malaking tulong ang english speaking skills sa pagtatrabaho sa BPO industry. Gayunpaman, maraming sakripisyo ang kailangang pagdaanan at maraming skills ang dapat matutunan ng mga nagnanais pumasok sa industriyang ito. 

Nariyan din ang mga paratang na talamak ang third party issues sa pagitan ng mga empleyado. Inaakala ng karamihan na ang call center ay lugar kung saan tinotolerate ng mga kapwa empleyado ang kasamahan nila na gumawa ng kasalanan sa kanilang kabiyak. Hati ang sagot ng mga tao sa paratang na ito. May mga nagsasabi na nangyayari ang cheating sa lahat ng industriya ng trabaho at mayroong ding nagkwento ng sarili nilang karanasan sa call center.