Dito, sapilitang binasa ng mga lokal ng San Juan ang mga motorista at sibilyang dumadaan na nagdulot ng panganib sa lansangan. May isang indibidwal pa na sinabuyan ng muriatic acid, isang delikadong kemikal na naging sanhi ng kanyang pagkasugat. May mga ulat din ng pananakit at pagkasira ng mga sasakyan matapos itong akyatin ng ilang residente. 

Dahil sa mga insidenteng ito, humingi ng paumanhin ang mayor ng lungsod na si Francis Zamora at nangakong mas paiigtingin ang seguridad at regulasyon sa susunod na selebrasyon. Kasabay nito, anim na katao ang kinasuhan dahil sa paglabag sa mga patakaran ng lungsod.  

Bagama’t isang mahalagang bahagi ng kultura ng San Juan ang “Wattah Wattah o Basaan Festival”, ang mga pangyayaring ito ay nagsilbing paalala na dapat isaalang-alang ang kaligtasan at kaayusan ng lahat upang mapanatili ang tunay na diwa ng pistahan.

Tandaan na ang mga pagdiriwang na ito sa pilipinas ay sumasalamin sa ating kasaysayan, pananampalataya, kultura, at pagpapahalaga sa ating pamilya at bayan. Tayong mga Pinoy ay malayang gawin ang ating mga ninanais, ngunit hindi dapat kalimutan na mayroong hangganan ang ating kalayaan. Ang pagiging sanhi ng inconvenience at pagtatalo ay kabaligtaran ng dapat mangyari sa mga selebrasyong ating ipinagdiriwang bilang ito ay isa sa mga simbolo na ang Pilipinas ay makulay at masayang bansa. Naipapasa rin natin sa pamamagitan nito ang ating mga tradisyon sa susunod na henerasyon at nabibigyang oportunidad ang mga dayuhang nais pang makilala ang ating bansa sa pamamagitan ng pagdalo sa mga ganitong uri ng pagdiriwang.